Te pire ārai hapū tukutahi ā-waha

Kei roto i te pire ārai hapū tukutahi ā-waha ko ngā taiaki e rua. E kīia ana ngā taiaki i te pire ārai hapū tukutahi ā-waha ko te oestrogen me te progestogen. Ko te tikanga o te pire hei ārai i te whakatō me te hapū.

Ko te mahi a te pire:

• He aukati i te tukukano — e kore koe e tuku i ngā kākano i a koe e kai ana i te pire
• Ko te whakarite me uaua e tae atu te tātea ki te kākano
• Ko te whakarite me uaua e kuhu ai te kākano ki roto ki tō kiri kōpū

Kua kainga ai te pire i te nuinga o te wā hei ārai hapū, engari, he rongoā anō hoki mō: 

• Ngā īkura mamae, taumaha hoki (painful or heavy periods)
• Te mate mua ikura (PMS) 
• Te heke pūtau kōpū (endometriosis) 

I te nuinga o te wā, he 92% te whai hua mō te ārai hapū. Ko te tikanga o tērā, i ia tau, i ia tau ko te 8 tāngata i roto i te 100 tāngata e kai ana i te pire ka hapū — i te nuinga o te wā nā te hē o te whakamahi, te wareware rānei ki te kai i tā rātou pire.

Ka eke ki te 99% te whai hua — mehemea he tika te kainga.Mehemea kua tika te kainga a te katoa i ā rātou pire, kua iti ake i te 1 i roto i te 100 tāngata e kai ana i te pire ka hapū i ia tau, i ia tau.

Me kai koe i te pire i ia rā, i ia rā kia tika ai te mahi. Kia mutu te kai i tō pire kua mutu te ārai hapū.

Ki te wareware i a koe te kai i tō pire mō te kotahi rā, hei te maumaharatanga ake, me kai, kātahi ka hoki ki ngā wā kai pire o ia rā, o ia rā.

Ki te wareware i a koe te kai i tō pire, kua kore tō ārai i te hapū.
Me kai pire taiaki i ia rā, i ia rā mō te 7 rā i mua i tō āraitanga anō i te hapū.

Ka mate koe ki te whakamahi i tētahi atu momo ārai hapū — hei tauira, ko ngā pūkoro ure, — mehemea ka ai koe i roto i te 7 rā i mua i tō āraitanga i te hapū e te pire.

Ki te ai koe me te kore pūkoro ure — ki te whati rānei te pūkoro ure — i roto i te 7 rā i mua i tō āraitanga i te hapū e te pire, me whakamahi koe i te ārai hapū ohotata (emergency contraception). 

Ngā painga:

• He ngāwari, he māmā te kai
• E kore e whakararu i te ai
• Tōna tikanga, he auau ake, he poto ake, he māmā ake, he iti ake hoki te mamae o ngā ikura
• He whakaheke i te mōrea o te mate pukupuku o ngā wharekano, o te kōpū, me te kōpiro
• E taea ai te kai te pire tae noa atu ki te ruahinetanga — mehemea he tangata auahi kore, he hauora hoki koe

Ko ngā mate:

• Kāore he āraitanga i ngā mate paipai (STIs)
• Kia whai hua ai me kai i ia rā, i ia rā
• Kei pāngia mai pea e ngā pānga rangitahi atu anō pēnā: i te ngau o te puku — hāunga ina i kaingia te pire me te kore kai — he mamae ngā ū, he pokanoa te toto o te tara, he marumaru ētahi wāhi o tō kanohi

Kāore e pai ana te pire mā te katoa — engari kua haumaru te kai pire a te tini tonu o te tāngata mō te tini tau.

Ki te hiahia ētahi atu mōhiohio e pā ana ki te tīmata i te pire, whakarite i tētahi hui ki tō mātou taha (make an appointment with us). E taea ai e mātou koe te āwhina ki te whakatau i tō whakatau me te whiwhi hoki i te rongoā e tika ana māu. He mea nui kia whāki mai koe ngā mōhiotanga katoa e mōhio ana koe mō:

• Ngā hītori tākuta o tō whānau
• Ngā take hauora i a koe
• Ngā rongoā e kai ana koe i tēnei wā

Anei ngā kōrero e tika ana kia mōhio koe mō ngā mōrea me ngā pānga atu anō o te pire:

• He ruarua noa iho ngā wā he tino kino ngā pānga o te kai i te pire
• He tino iti te mōrea o ngā poketoto (VTE: te poketoto iaia hōhonu - deep vein thrombosis, te poketoto iaia pūkahu hāora rānei - pulmonary embolism), ngā manawa hē me ngā ikura roro ina e kai ana koe i te pire. He nui ake ngā mōrea i te hunga pakeke ake i te 35 tau te pakeke, he kaipaipa, he mōmona, he hītori ā-whānau rānei o ngā poketoto, ngā manawa pā, ngā ikura roro rānei.
• He paku nui ake tō mōrea o te mate pukupuku waha kōpū, ina kai ana koe i te pire.

Kaua e kai te pire mehemea:

• Kua pāngia koe e te mate pukupuku ū
• He kaipaipa, he pakeke ake i te 35
• He mōmona
• Kei te whāngai pēpi nohinohi — ahakoa e taea tonu pea e koe te whakamahi te pire ārai hapū tukutahi ā-waha me te whāngai ū mehemea he pakeke ake te pēpi i te 6 marama.
• Kua pāngia rānei koe e te manawa hē, te ikura roro, te poketoto i ō waewae, i ō pūkahukahu rānei
• He whānau tata rānei me te poketoto kei roto i ō rātou waewae, pūkahukahu rānei
• E kai ana ētahi momo rongoā, rongoā otaota rānei. E whakamāramatia ake tēnei e mātou ki koe i tō hui
• He waewae pāpāuku, kei roto rānei koe i te kōrea

He mōrea rawa ētahi āhuatanga, i ētahi atu āhuatanga ina kai ana koe i te pire  — pēnā i:

• Ngā haerenga waka rererangi roa
• Te tiketike teitei
• Te poka tinana
• Tē taea te nekeneke rangitahi — kāore e taea te hīkoi, te neke rānei

Kia tōtika te whai āwhina ki te pā mai t\ētahi rānei o ēnei āhuatanga ki a koe:

• Te ngau mamae o te poho
• Te maremare toto
• Te naenae o te manawa
• Kua mamae te wāhanga o raro o tō waewae
• Kua tino kino te ānini o tō māhunga

He tohu ēnei o ngā raruraru hauora tino taikaha. Ki te pā ēnei ki a koe — i a koe i runga i te pire — me tōtika tō whai āwhina mai i tētahi hōhipera, wāhi ohotata, tō tākuta, i a mātou rānei.

Mā tētahi o ō mātou nēhi e whiriwhiri te tino ara māu hei kai i tō pire. 
Ko te painga atu ko te whakatau i te wā kotahi i ia rā hei kai i te pire. 
Ko te mahi a te tokomaha anō o te tangata he whakarite i te whakaaraara ki ō rātou waea. 

Mehemea kātahi anō koe ka tīmata te kai i te pire, tērā pea:

• Ka rongo i te mate — ina koa kua kai koe i te pire me te kore kai
• He mamae ngā ū
• He toto ohorere ā-raro
• Kua puta ake he wāhi marumaru ki runga i tō kanohi 

Kia taunga haere koe ki te pire ka ngaro haere te nuinga o ēnei tohumate. Mehemea kei te āwangawanga koe mō ngā huringa, ahakoa ēhea, he pai ake hoki te whakaaro kia waea mai ki a mātou hei whai tohutohu (call us for advice). Me kaha tonu te kai i tō pire kia oti rā anō i a tātou te kōrero mō ngā mahi i tua atu.
 
Kia tīmata ai koe ki te kai i te pire ka māmā ake pea tō ikura i tō te nuinga o te wā. Ki te kore tō ikura, me kai tonu koe i te pire me waea mai hoki ki a mātou mō ngā tohutohu (call us for advice). 

Ko te painga atu ko te whakatau i te wā kotahi i ia rā hei kai i te pire. 
Ka taea te whakarite whakaaraara ki tō waea hei whakamaumahara ki te kai i tō pire.

E toru ngā momo huarahi hei kai i tō pire.

1. Ka ikura koe i ia marama, i ia marama

Kimihia te pere kei tō rau pire koirā te raupapa kai pire o ia rā hei whai māu. Ko te tikanga o tēnei ka kai koe i ngā pire taiaki 21, kātahi ka kai i ngā pire taiaki-kore e 7, i ia 28 rā.

Ki te whai koe i tēnei raupapa, e puta mai ai he ikura i ngā rā e whitu o ngā pire taiaki-kore. I te nuinga o te wā e māmā ake, e iti ake hoki te ngau o tō ikura i a koe i runga i te pire.

Ki te wareware i a koe te kai i ngā pire e rua neke atu rānei i te kotahi wiki kua kore tō ārai hapū.

2. Kia ikura ai koe i ia ruarua marama

Waiho ō pire taiaki-kore e 7 i te nuinga o ngā marama.
Kainga ō pire taiaki i ia rā, i ia rā.

Ki te hiahia ikura koe me kai koe ō pire taiaki-kore — kia kotahi i ia rā mō te whitu rā.

3. Kia kore te ikura

E kīia ana tēnei ko te kai pire tonu i ia rā, i ia rā (taking the pill continuously). Kia tae koe ki te mutunga o ngā pire taiaki 21, waiho ngā pire taiaki-kore, ka haere tonu ki te rau pire tauaki e whai ake ana. Koinei te ara e tino whai hua ai te kai pire.

Ki te kai anake koe i ō pire taiaki, e iti ake te tūpono mai o te ikura.

E kite ai pea koe i te toto me te kōiraira i te tīmatanga o tō kai tonu i te pire i ia rā, i ia rā. E taea ai te tiaki kia rite ai tō tinana ki te kai tonu i te pire i ia rā, i ia rā, ki te hiahia ikura rānei koe — me kai noa iho koe i tō pire taiaki-kore mō ngā rā e whitu.

Kei a koe te tikanga mō te roa o tō kai pire tonu. Ki te hiahia ikura koe me kai ō pire taiaki-kore — kia kotahi i ia rā mō te whitu rā.

Mā te kai tonu i tō pire e ārai koe i te hapū — māna kei wareware i a koe te kai neke atu i ngā pire e waru i ia rā, i ia rā.

Kaua e āwangawanga! Waea mai.(call us). E taea ai pea e mātou te whakarite tukurua o tō tono rongoā mā tō pire ārai hapū i runga i te waea.

E kore e taea e te pire koe te ārai i ngā mate paipai (STIs).

Ko ngā pūkore ure, ngā matatara ā-waha, me te whakamātautau auau i te STI koinei ngā tino ara hei ārai i a koe i ngā mate paipai.

Āe e taea kia hapū ai koe i muri i tō whakamutu i te kai pire.

Ki te hapū ai koe i a koe e kai pire ana, ā, kei te hiahia kia hapū tonu koe, kāore he mōrearea anō ki tō pēpi e tipu haere nei.

Me whai tono rongoā koe mō te pire i tō nēhi i tākuta rānei.
E taea ai te whiwhi tono rongoā mō te pire i a mātou (book an appointment).

E taea ai anō pea e mātou ētahi tono pire hoki te whakahou i runga i te waea (learn about our phone clinic).

Ka taea e mātou te kōrero ki a koe mō ngā momo pire ārai hapū rerekē — hei āwhina i a koe ki te whakatau mehemea he tika te pire ārai hapū māu.

E wātea ana ō mātou whare haumanu ki te tangata ahakoa ko wai.
Ki te hiahia kōrero koe ki a mātou, kei te hiahia kōrero mātou ki a koe.

Tāpui hui mai