Te whakamātau STI me ngā maimoatanga

Ka mahi ngā whakamātautau STI i te tango tīpako mai i ngā wāhanga o tō tinana ka whakamahia koe i a koe e ai ana. He tango mā te ūkui — me kī he pihi miro roa.

Ka riro, māu, mā te nēhi, mā te tākuta rānei ēnei tīpako e tango.

Mehemea ko te ure tō taputapu ai, ka tonoa he tīpako mimi i a koe — nō reira he mea nui te pupuri i tō mimi i mua i tō hui.

He wā anō, ka mate pea koe kia whakamātauria ā-waho, ā-roto rānei, kia kitea ai mena e kitea ana he āhuatanga o tētahi mate. Ka ūkuia anōtia hoki e tō nēhi, e tō tākuta rānei ngā hakihaki, ngā keha, te rukenga rānei i a koe.

Ka tukuna ō tīpako whakamātautau ki te taiwhanga pūtaiao mō te whakamātautau. Tōna tikanga ka whakapā atu rātou ki koe i roto i te wiki me ngā kitenga o te whakamātautau.

Ka taea e koe te whakamātautau STI ā-kiri i a koe anō mena kāore ō tohu mate.

Mehemea kei a koe ngā tohumate kua whakarārangi i raro iho nei, kua ai ā-waha, ā-nono rānei (me whai whakamātautau anō pea koe), kei te hiahia rānei koe i te tirotiro STI katoa tae atu ki ngā whakamātautau toto mō te pākewakewa (syphilis) me te whakaruhi ārai mate (HIV).

• He rukenga rerekē nō tō tara, tō ure, tō nono rānei
• He mamae te mimi
• He pukupuku, he tipu kiri huri ana i tō ure, tara, nono rānei
• He kōpukupuku
• He toto ā-tara rerekē
• He raho, he tara, he nono hakihaki rānei
• He puta, he hakihaki huri noa i tō ure, tō tara, tō nono rānei.

Ka taea te whakamātautau ā-kiri i ō mātou whare haumanu katoa. Ki te haere mai koe ki te whare haumanu, ehara i te mea me kite koe i te tākuta, i te nēhi rānei i mua i te whakatutukinga o tō whakamātautau. Ki te waea atu koe ki tō mātou Pokapū Whakapā Kiritaki, ka inoia pea koe ki te haere mai ki te whare haumanu, ka whakaritea pea e mātou kia haere tōtika atu koe ki te pokapū kohikohinga.

Call our Client Contact Centre

Te pokapū kohikohinga whakamātautau STI ā-kiri

Mehemea ka tūtohua koe kia haere ki te pokapū kohikohinga, ka whiwhi tohutohu mai i te hunga i reira. 

• I te Taitokerau, kua tū ngā whakamātautau ki te Taiwhanga o Awanui: Awanui Labs
• I te Tāmaki Makaurau, kua tū ngā whakamātautau ki te Taiwhanga o Awanui: Awanui Labs
• Ngāmotu kua tū ngā whakamātautau ki te Taiwhanga o Awanui: Awanui Labs
• I te Whanganui, me Tūranganui-a-Kiwa, kua tū ngā whakamātautau ki Medlab Central: Medlab Central 
• I Te Whanganui-a-Tara, kua tū ngā whakamātautau ki te Taiwhanga o Awanui: Awanui Labs 
• I te Wairau, kua tū ngā whakamātautau ki te Taiwhanga o Awanui: Awanui Labs 
• I Ōtautahi, Rangiora, Tīmaru, kua tū ngā whakamātautau ki te Taiwhanga o Awanui: Awanui Labs 
• I Ōtepoti me Murihiku, kua tū ngā whakamātautau ki te Taiwhanga o Awanui: Awanui Labs 

I te whare haumanu o Sexual Wellbeing Aotearoa

• Ka taea te mahi i te whakamātautau ā-kiri — mā te tango i te ūkui, i te tīpako mimi hoki/rānei — i te matatapu o tō mātou rūma horoi i te whare haumanu
• Ka whakahoki koe i te kete whakamātautau ā-kiri ki te kiripaepae
• I roto i te rima rā ka whakapā atu te nēhi ki a koe ki te whakamōhio atu ki a koe ō kitenga — pērā i a rātou mō te whakamātautau STI noa nei.
• Mehemea kua mate maimoatanga koe, ka whakarite tō nēhi i tētahi hui māu.

E wātea anake ana te whakamātautau STI ā-kiri ki ngā tāngata e noho ana ki Aotearoa.

Ki te hiahia kite koe i te nēhi mō tētahi whakamātautau STI, ka taea tonutia tēnei mā te whakarite i te hui aunoa ki tētahi o ā mātou whare haumanu.

Kāore he utu mō ngā kainoho o Aotearoa i raro i te pakeke o te 22 tau. Mehemea kua 22, pakeke ake ō tau, ka utu koe i ngā utu whānui mō te hui — māna e āhei ana koe te whiwhi i te atawhai hauora whai tautoko ā-pūtea, he kāri Ratonga Hapori rānei āu. Mehemea kei te āhei koe ki te whiwhi i te atawhai hauora whai tautoko ā-pūtea, ka utu kore tō hui. Mehemea he Kāri Ratonga Hapori, he $5 te utu o tō hui.

Mehemea ehara koe i te kainoho ō Aotearoa, ka mate koe ki te utu i ngā utu o te tauiwi.

More information about non-resident fees.