Te whakamātautau waha kōpū me te whakamātautau HPV

Ko tā te whakamātautau waha kōpū he whakamātautau mō ngā momo kākano whakatō mate pukupuku a te huinga wheori kiri puku tangata (ko te human papillomavirus, arā, te HPV).

Kia auau te whakamātautau waha kōpū — i ia rima tau — koia te tino ara hei kaupare i te mate pukupuku waha kōpū. E tika ana kia whakamātauria ētahi tāngata i ia 3 tau, i ia 3 tau. He whakaaro pai te pātai ki tō nēhi, tō tākuta rānei he pēhea te auau o tō hokihoki kia whakamātauria.

Me auau te whakamātautau waha kōpū mehemea kua ai koe, ko koe hoki ēnei mea e rua e whai ake nei:

• He tangata whai waha kōpū koe
• 25-69 tau te pakeke

• He tīpakonga waha kōpū (arā, ko te whakamātautau okoi). Ko te whakamahinga tēnei a te tākuta, a te nēhi rānei i te ngutu pārera (speculum) ki te wherawhera i tō tara, me te tango i te tīpakonga pūtau i tō waha kōpū.
• He whakamātautau ā-kiri HPV. Ana, ka riro māu anō tō ake whakamātautau e mahi mā te whakamahi ūkui ki te tango tīpakonga pūtau i tō tara. (Ka taea rānei e te tākuta, te nēhi rānei tēnei mahi māu).

Kei ngā huanga i whiwhi ai koe i ngā whakamātautau waha kōpū o mua e tohutohu i te momo whakamātautau waha kōpū pai rawa atu māu. Hei tauira, mehemea e ai ki tō whakamātautau kua pāngia koe e te HPV, he pūtau tipua rānei āu, kua mate pea tō tango tīpakonga waha kōpū. Mehemea kua huapai te whakamātautau HPV i mua rā, kāore anō hoki koe kia kīia kia hoki ki ngā whakaritenga whakamātautau o ia rā, o ia rā, kua mate pea tō tango tīpakonga waha kōpū.

Mehemea kāore koe e tino mōhio he aha te momo whakamātautau pai ake māu, e taea ai te tāpui hui ā-waea ki tō mātou taha kia kōrerohia tēnei: Book a phone appointment.

Learn more about cervical screening

He mate e tino kitea whānuitia ana te HPV. Koia te STI e tino kitea whānuitia ana huri noa i te ao.  Ko te āhua 80% o ngā pakeke kāore anō kia āraitia e pāngia ai e tētahi mate HPV ā tōna wā.

He nui ngā momo peka rerekē o te mate HPV. Kei te pai noa iho te nuinga. Engari anō ētahi ko te hua ko ngā kautona taihemahema. Ka mutu, arā anō ētahi e whakarerekē pūtau ana i te waha kōpū e hua mai ai pea ko te mate pukupuku waha kōpū. Koia te take whakamātautau ai mātou mō te HPV. Koia hoki te take o tā mātou tuku i te āraihanga HPV.

Ehara i te mea kia pāngia koe e te HPV ka pāngia hoki koe e te mate pukupuku waha kōpū. Mehemea kua pāngia koe e te HPV, kua mate koe te tāpui hui mō te tīpakonga waha kōpū hei whakatau i tō momo HPV me te whiriwhiri i ngā mahi e haere ake nei.

Learn more:

• About HPV and genital warts
• About HPV vaccination

Ka taea e koe tētahi whakamātautau ā-kiri HPV, mehemea:

• Ko tō whakamātautau waha kōpū tuatahi tēnei,
• Kua whakamātauria rānei tō waha kōpū i mua, ka mutu, he pai noa iho ngā hua.

Mehemea e āhei ana koe ki te whiwhi i te whakamātautau waha kōpū utukore, tonoa kia tukuna mai tētahi whakamātautau ā-kiri HPV utukore ki a koe. Ka taea rānei te mahi tō whakamātautau HPV i tētahi o ō mātou whare haumanu.

See who's eligible for free cervical screening

Request an at-home HPV test

Mehemea ko te hua o te whakamātautau HPV, mō ngā pūtau tipua rānei i mua rā ko te huapai, ā, kāore hoki koe kia whiwhi whakamātautau huakore mai i taua wā he pai kē atu kia tangohia te tīpakonga waha kōpū.

Book a cervical screening appointment

E taea ai te whiwhi whakamātautau waha kōpū i a mātou, i tō kaiwhakarato whakamātautau whānui rānei.

Ka taea e koe anō te mahi tō ake whakamātautau ā-kiri HPV (te waiho rānei mā te nēhi, te tākuta rānei e mahi māu). Ka taea e koe:

• Te tiki tētahi whakamātautau HPV mō te kāinga mehemea e āhei ana koe (Get an at-home HPV test),
• Te ui atu rānei ki tētahi nēhi, tākuta rānei ki te whakaatu mai me pēhea te mahi i te whakamātautau ā-kiri, te inoi rānei kia mahia mai e rātou māu (me tāpui Hui whakamātautau waha kōpū ki tō mātou taha) (Book a cervical screening appointment).

Nā te nēhi rānei, te tākuta rānei anake te mahi tango tīpakonga waha kōpū, nō reira, kua mate koe te haere ki te whare haumanu. Ki te hiahia kia mahia tēnei ki tētahi whare haumanu o Sexual Wellbeing Aotearoa, me:

• Tāpui mai tō hui ki runga ipurangi (kōwhiri i te whakamātautau waha kōpū): book online.
• Waea mai rānei ki a mātou i te 07 810 6610

Learn more at Time to Screen

Check out Smear Your Mea on Facebook

Kāore i te whai tautoko ā-pūtea katoa te whakamātautau waha kōpū i Aotearoa. Kei te tautokona ā-pūtea ngā whakamātautau waha kōpū e Te Whatu Ora mō:

• Te hunga whai waha kōpū, 30 tau pakeke ake, kāore anō kia whakamātauria (whakamātautau kore). Tae atu rā hoki tēnei ki te hunga whai waha kōpū pakeke ake i te 70 ki te 74 tau kāore anō kia whakamātauria.
• Te hunga whai waha kōpū 30 tau pakeke ake kāore anō kia whakamātauria mō te 5 tau kua pahure ake nei (kua iti te whakamātautau).
• Te tangata ahakoa ko wai e tika ana kia kitea anōtia.
• Ko te hunga Māori, Moananui-a-Kiwa hoki, whai waha kōpū pakeke ake i te 25 ki te 69 tau.
• Ngā tāngata ahakoa ko wai whai waha kōpū kei waenga i te 25 ki te 69 tau he kāri Ratonga Hapori ake tā rātou

Find out more about eligibility for free cervical screening.

Ki te haere mai koe ki te whare haumanu o Sexual Wellbeing Aotearoa mō te whakamātautau waha kōpū, engari, kāore koe e āhei ana ki te whiwhi i te whakamātautau utukore, ka utu koe mō te hui 15 miniti te roa. Tirohia tā mātou whārangi utu mō ētahi atu taipitopito: our fees page. 

He mātanga mātou mō te whakamātautau waha kōpū. Ko ā mātou:

• He āwhina i a koe ki te whiriwhiri i te momo whakamātautau waha kōpū pai ake māu
• He mahi i tō tīpakonga waha kōpū
• He whakaako i a koe ki te mahi i tō whakamātautau ā-kiri HPV
• He tuku i tētahi whakamātautau HPV mō te kāinga ki a koe (mehemea kua āhei koe)

Get an at-home HPV test

E wātea ana ō mātou whare haumanu ki te tangata ahakoa ko wai. Ki te hiahia kōrero koe ki a mātou, kei te hiahia kōrero mātou ki a koe.

Tāpui i tētahi hui