Ngā mate ikura

He nui ngā pānga o tō ikura ki tō oranga tinana, oranga hinengaro hoki. He rerekē te ikura o tēnā, o tēnā. Ehara i te mea he rite tō ikura ki te katoa, kāore rānei — mehemea he raruraru tō ikura ki a koe, he mate ikura tāu.

More information about periods

He tohumate o ngā raruraru ā-tinana ētahi mate ikura. Mehemea he rite tonu te takaroa o tō ikura — he rite tonu te tae wawe rawa — tērā pea he raruraru ā-tinana pea e tika ana kia āwhina koe ki te whakatikatika.

Ko te ikura takaroa, arā: mehemea kua roa ake i te 35 rā i waenga i ngā ikura.

Ko te ikura pōturi te puta mai: mehemea he iti ake i te 21 rā i waenga i ngā ikura.

Mehemea kāore ō ikura, he nui rawa te toto, he tino mamae, he iti rawa te toto, ka toto i waenga i ō ikura, he roa ake i te 7 rā tō ikura, he mate ikura tāu.

Ka pā mai pea te mate ikura nā: 

• Te Heke Pūtau Kōpū (Endometriosis)
• Kāore e taurite ana ngā taiaki (Hormone imbalance)
• Te riwha o te kōpū (Uterine scarring)
• Adenomyosis
• Te IUD kapa (the Copper IUD)
• Te kōhukihuki
• Ngā mate kaikai me te whakapakari tinana
• Mate polycystic kaiure (PCOS)
• He raru repe tenga
• Ētahi rongoā
• Ētahi atu raruraru hauora whai pānga 

Ka taea hoki e ngā mate ikura te whakararu i ngā raruraru hauora hinengaro. Ko te raruraru hauora hinengaro ko ngā āhuatanga pērā ki: 

• Te tino hinapōuri, te tino whakatakariri rānei
• Te whakaaro i ngā whakaaro tino tai rawa mōu anō, mō tō tinana rānei
• Ngā whakaaro whakamomori
• Te iti o te kaha, te ngenge
• Te āmaimai, te māharahara, kei te tūtakarerewa rānei
• Kua hēmanawa, kua pōrangi rānei
• He uaua te aroaro, kāore i mārama ngā whakaaroaro

Ka taea ngā raruraru hauora hinengaro te ahu mai i te mate dysphoric mua ikura (PMDD), te mate mua ikura (PMS) rānei. Ka puta mai hoki ngā raruraru hauora hinengaro i ngā raruraru hauora tinana, pērā ki: te heke pūtau kōpū, te tauritenga kore o ngā taiaki, te mate polycystic kaiure (PCOS), ngā raruraru repe tenga, ētahi rongoā, me ētahi atu raruraru hauora whai pānga.

Information about premenstrual dysphoric disorder (PMDD)

Information about premenstrual syndrome (PMS). 

He nui ngā raruraru ikura a te hunga ira kē me ngā tāngata ira huhua. Mehemea ko koe tēnā, ka taea rānei e mātou te āwhina, te honohono rānei i a koe ki tētahi e taea ai te āwhina i a koe.

He pai noa iho tō tīpoka, tō mutu, tō whakatā mai i tō ikura, ahakoa te take. Ehara i te mea me pāngia ai koe e tō ikura ina kāore e hiahiatia ana. Ka taea e mātou koe te āwhina i a koe ki te whakatau i tō whakatau he aha te mea pai ake māu, kei konei mātou hei āwhina atu.

Mehemea kei te āwangawanga mō tō ikura, kei te hiahia āwhina rānei, kāore i tua atu i ō mātou nēhi, tākuta rānei hei taringa whakarongo.

Find out about taking a break from your period

Learn more about periods

Kua aua atu te nui o ngā mate ikura kua whakamaimoatia i roto i ō mātou whare haumanu. Nā te āhua o tō momo raruraru te āhua o te momo āwhina e tika ana māu.

Mehemea he raruraru tō PMS, kaua e tuku. Mehemea kāore koe i te hiahia kia pāngia e tō ikura, arā ētahi momo ārai hapū hei āwhina i a koe ki te tīpoka i tō ikura. He mea āwhina tō karo i te PMS te tīpoka ikura.

More information about PMS

Mā hea mai i te whakarite i tētahi hui ki tētahi o ā mātou nēhi, tākuta rānei. Ka taea e rātou te kōrero ki a koe e pā ana ki tō raruraru, te tohutohu rongoā, te hoatu maimoatanga, me te tūtohu i te rongoā. Ki te hiahia whakamahi koe i te ārai hapū, ka taea e mātou te tiki te momo e mahi pai ai māu.

Book an appointment

Kāore he utu mō ngā kainoho o Aotearoa i raro i te pakeke o te 22 tau. Mehemea kua 22, pakeke ake ō tau, ka utu koe i ngā utu whānui mō te hui — māna e āhei ana koe te whiwhi i te maimoatanga hauora whai tautoko, he kāri Ratonga Hapori rānei āu. Mehemea kei te āhei koe ki te whiwhi i te atawhai hauora whai tautoko ā-pūtea, ka utu kore tō hui. Mehemea he Kāri Ratonga Hapori, he $7.50 te utu o tō hui.

Mehemea ehara koe i te kainoho o Aotearoa, me utu koe i ngā utu kainoho-kore.

Tirohia tā mātou whārangi utu mō ētahi atu taipitopito.

Check out our fees page for more details.